አብክመ ስራና ክህሎት ቢሮ ለቴክኒክና ሙያ ኮሌጆችና ለዞን ስራና ክህሎት መምሪያ ሀላፊዎች ቡድን መሪዎች እንዲሁም ለባለሙያዎች የሀቅም ማጎልበቻ ስልጠናዎችን እየሰጠ ይገኛል።

ስልጠናው ለተከታታይ 5ቀናት ሊቆይ እንደሚችል የሚጠበቅ ሲሆን በስልጠናው በሰሜን ጎጃም ዞን፣ በደ/ጎንደር ዞን፣ በምስራቅ አዊ ዞን እንዲሁም በምዕራም ጎጃም ዞን የሚገኙ ፖሊ ቴክኒክ ኮሌጆችና ቴክኒክና ሙያ ኮሌጆች እንዲሁም የመምሪያ ሀላፊዎችና ቡድን መሪዎች በስልጠናው እየተሳተፉ ይገኛሉ።

የስልጠናው ዋና አላማ በአብክመ ስራና ክህሎት ቢሮ መዋቅር ስር ለሚገኙ የኮሌጅ ና የዞን መምሪያ አመራሮችን፣ ቡድን መሪዎችንና በተዋረድ ያሉ ባለሙያዎችን የመፈፀም አቅማቸውን ለማሳደግና አዳዲስ አሰራሮችን ግንዛቤ ለማስጨበጥ እንደሆነ ተገልጿል።


ስልጠናው በዋናነት በበጀትና ዕቅድ÷ በትምህርትና ስልጠና እና የአሰልጣኝ ልማት ዙሪያ÷ የሰው ሀብት አስተዳደር÷ የንብረት አያያዝና አጠቃቀም÷ የአህዝቦት ስራን በልዩ ትኩረት ስለመፈፀም በሚመለከት የሚያተኩር ስልጠና እንደሚሰጥ በመድረክ መክፈቻ ፕሮግራም ላይ ተገልጿል።

ዱርቤቴ ፖሊ ህዝብ ግንኙነትና ኮሚኒኬሽን
የካቲት 27/2018 ዓ.ም
ባ/ዳር